Momarandu
"II Corredor de las ideas del Cono Sur" rehegua
Säo
Leopoldo, pojasype 12, 1999.
Upe
"Corredor de las ideas" oipota oñemombarete arandueka
ko’ä mba’e rehe:
Amerikanokuéra
remiandu ha tekomba’e, toñemohenda aty’ikuéra omba’apova’erä
ombojekupyty haçua ñane retänguéra mbohapy
mba’e rehe: jekupytyjoja, tekoañete ha ava tekome’ë. Upe
jekupyty noñeha’äiva’eränte ohasa haçua jejoko’ÿre
mba’ekuéra peteï tetägui ambuépe ha jejokupyty
tetävusu ndive. Oñeikotevë peteï tembiaporä
guasúre, ojapohaguéicha ñane tetävusu latinoamérika,
upe tembiaporä oiko haçua ohasa heta ary ha heta ava omba’apo
ipype, oñeha’ärö omboyke umi mba’e ombotyaíva
umi ha’ekuéra ohupytyséva.
Roñemoï
peteï ñe’ëme umi ogueroviáva ndive oïha
ava oikóva ichuguikuéra máva oisu’uséva
hapicha avápe, oñeñandu oïha oisambyhyséva
hapichakuérape ndikatúi jave omyengovia pe oipuruva’ekue,
nomoguahë poräi rupive momarandu ichupekuéra ha ohekojopýrö
umi tetägua iñaranduvévape.
Oñemboyke
haçua ko’ä mba’e vai ohekojopýva tetärekokuéra
ojekupyty haçua tetänguéra, tekotevë oñemomba’e
tetä tekoañete. Upe tekoañete oipytyvö katuetéta
avakuéra okakuaa haçua ha’eño, térä
atýpe ha upeichakuévo oñemboykéta umi ohekojopyséva
hapichakuérape.
Upe
"neoliberalismo" renondépe ñamoïta techapyrä
tetänguéra ohupytyva’ekue hemikotevë "globalización"pe,
ha’e umi oñangarekova’ekue hekoañete, itekoha ha imba’erepy
rehe. Roñeha’ä romboyke pe temiandu ohechaukaséva
oréve jaikepataha teko jekyhyjépe, oíhame mbovy
aty oiko porävéva ha oñembojeroviavéva heta
heko asýva renondépe.
Ñande
sudamerikanokuéra ñañeha’äva’erä jaipyhy
mba’aporä ha tetärekokuéra ikatu haçuáicha
ñambo’apu’a jeroviapy ikatu’ÿva gueteri jahupyty ojejapo
haguéicha Simón Bolivar, José Martí rérape
ha heñói haguéicha avei Latinoamerikanokuéra
jekupyty ha "Reforma Universitaria".
Ko’ä
mba’e rehe omba’apova’erä tekove ikatupyrýva, oïva
"estado"pe, térä omba’apóva ijeheguínte,
opavave ogueroviáva guive pe tekojopy, mboriahu ha tekojoavy
ndaha’eiha mba’e oïva’erä katuete ava rekovépe. Temiandukuéra
heñói ko’ápe tembipurúicha ikatu haçua
omombarete ñane ñe’ä ha opa mba’e jajapóva
atykuérape.
Néi,
roñembyaty roimo’ägui ikatuha romombarete tenda romba’apohápe,
Mbo’eguasuróga, ikatu haçuáicha roipytyvö
peteï Jopói Arandu guive tetänguéra oikotevëvape
ñane retäicha, ha upéicha ramo oiko ichugui peteï
óga heñoihápe jerovia ikatútava oguerojera
tekove.
Versión
en guaraní del "Manifiesto del II Corredor de las Ideas
del Cono Sur" al cuidado de María Eva Mansfeld y Vicente
Sarubbi Z.
Ñe’ëndy:
Glosario
1.Arandueka:
estudio.
2.Tekomba’e:
cultura
3.Jekupytyjoja:
democracia
4.Tekoañete:
identidad
5.Ava
tekome’ë: derechos humanos
6.Mbo’eguasuróga:
universidad
7.Jopói
arandu: "intercambio solidario de saberes" por "Mercosur
del conocimiento"
8.Jeroviapy
ikatu’ÿva gueteri ojehupyty: utopía.